शिवपुरी (नुवाकोट) / युवा नेत्र सेवा र समुत्थानशील बस्ती प्रा.लि.को संयुक्त आयोजनामा निःशुल्क आँखा जाँच शिविर सम्पन्न भएको छ।
स्थानीय ओख्रेनी, सुनखानीमा सम्पन्न शिविरमा सेवाका अध्यक्ष तथा नेत्र अनुसन्धानविद् सिद्धार्थ रञ्जितलाई दोसल्ला ओढाएर सम्मान गरियो।
शिवपुरी गाउँपालिका–७ का वडा अध्यक्ष वीर बहादुर लामाको प्रमुख आतिथ्यतामा सम्पन्न कार्यक्रममा गायक शिशिर योगीले गीत प्रस्तुत गर्नुभएको थियो।
बस्तीका अध्यक्ष मनिराज डङ्गोलको सभापतित्वमा सम्पन्न कार्यक्रममा उपाध्यक्ष कुमार रञ्जितले योजनाबारे प्रकाश पार्नुभएको थियो।
कार्यक्रममा समुत्थानशील बस्तीको भावी योजनाबारे छलफल गरिएको थियो।
About The Author
