काठमाडौँ, नेपाल सरकारले उखु खेती गर्ने किसानलाई प्रोत्साहन गर्न एक अर्ब ५० करोड रुपैयाँभन्दा बढी अनुदान दिने भएको छ। कृषि, वन तथा वातावरण मन्त्रालयले अनुदान दिने नियम स्वीकृत गरेपछि किसानलाई अनुदान दिने प्रक्रिया अघि बढेको हो।
मन्त्रालयका अनुसार आर्थिक वर्ष २०८३/८४ का लागि उखु किसानलाई दिन एक अर्ब ५० करोड ५० हजार रुपैयाँ छुट्याइएको छ। उक्त रकम बर्दिया, रौतहट, कैलाली, कञ्चनपुर लगायत विभिन्न जिल्लाका किसानलाई वितरण गरिनेछ।
सरकारले उखु किसानलाई प्रतिक्विन्टल ७० रुपैयाँका दरले अनुदान उपलब्ध गराउँदै आएको छ।
यस कार्यक्रमको मुख्य उद्देश्य उखु खेतीमा किसानलाई प्रोत्साहित गर्नु, कृषि उत्पादन बढाउनु र किसानलाई आर्थिक सहयोग पुर्याउनु हो।
About The Author
